Posts

ਫੁੱਫਰ ਦੀ ਰਿਟਾਇਰਮੈਂਟ

​ਫੁੱਫਰ ਦੀ ਰਿਟਾਇਰਮੈਂਟ ਬਾਰੇ ਸੁਣ ਕੇ ਮੇਰੀ ਭੂਆ ਨੂੰ ਚੜ੍ਹਿਆ ਬੁਖਾਰ, ਸਾਰਿਆਂ ਨਾਲ ਫਰੋਲੇ ਦਿਲ ਦੇ ਰਾਜ, ਕਿਤੇ ਵੱਧ ਜਾਣ ਫੁੱਫਰ ਦੇ ਦੋ ਸਾਲ । ਮੈਂ ਬਥੇਰਾ ਸਮਝਾਵਾਂ, ਭੂਆ ਬਹੁਤ ਕਰਲੀ ਫੁੱਫਰ ਨੇ ਨੌਕਰੀ , ਕੀ ਕਰਨੇ ਹੋਰ ਸਾਲ, ਭੂਆ ਨੂੰ ਮੰਨਣ ਵਿੱਚ ਕਿੱਥੇ ਆਵੇ, ਕਹੇ ਤੂੰ ਭਕਾਈ ਨਾ ਮਾਰ ਮੇਰੇ ਨਾਲ। ਫੁੱਫਰ ਦੀ ਰਿਟਾਇਰਮੈਂਟ ਬਾਰੇ ਸੁਣ ਕੇ……. ਭੂਆ ਨੇ ਘਟਾਣੇ ਸ਼ੁਰੂ ਕਰਤੇ ਸਬ ਦੇ ਖ਼ਰਚੇ ਨਾਲੋ ਨਾਲ, ਨਿਆਣੇ ਵੀ ਕਹਿਣ ਮੰਮਾ ਤੁਸੀਂ ਕਿਹੜਾ ਕੰਮ ਫੜਿਆ ਵਾਰ ਵਾਰ, ਫੁੱਫਰ ਅੰਦਰੋ ਅੰਦਰੋ ਧੁਖਦਾ ਜਾਵੇ ਪਰ ਡਰ ਨਾਲ ਵਿਚਾਰ ਨਾ ਆਉਣ ਬਾਹਰ, ਮਾਹੌਲ ਦੇਖਦੇ ਹੀ, ਫੁੱਫੜ ਨੇ ਰਿਟਾਇਰਮੈਂਟ ਤੋਂ ਪਹਿਲੇ ਕਰਵਾ ਲਈ ਦੁਕਾਨ ਤਿਆਰ, ਮੈਂ ਪੁੱਛਿਆ ਫੁੱਫਰ ਜੀ,  ਕਾਹਨੂੰ ਏਨੀ ਹਰਬੜੀ ਵਿੱਚ ਲੱਗੇ ਦੁਕਾਨ ਕਰਨ ਤਿਆਰ, ਫੁੱਫਰ ਜੀ ਬੋਲੇ ਹੁਣ ਹੋਰ ਨਹੀਂ ਸਹੀਆ ਜਾਂਦਾ ਤੇਰੀ ਭੂਆ ਦਾ ਅਤਿਆਚਾਰ, ਅੱਗੇ 29 ਸਾਲ ਗੁਲਾਮੀ ਵਿੱਚ ਲੰਘ ਗਏ ਯਾਰ। ਫੁੱਫਰ ਦੀ ਰਿਟਾਇਰਮੈਂਟ ਬਾਰੇ ਸੁਣ ਕੇ ……… ਲਿਖਣ ਨੂੰ ਤਾਂ ਲਿਖ ਦਵਾ 2-4 ਲਾਇਨਾ ਲਗਦੇ ਸਾਰ, ਪਰ ਮੈਨੂੰ ਪਤਾ ਭੂਆ ਨੇ ਟੱਪਣ ਨਹੀਂ ਦੇਣਾ ਅੱਜ ਇਹ ਹਾਲ, ਸਾਰੇ ਦੇਖਣਗੇ ਭਤੀਜੇ ਦਾ ਤਮਾਸ਼ਾ, ਇਸ ਤੋਂ ਪਹਿਲੇ ਸਟੇਜ ਤੋਂ ਹੇਠਾਂ ਲਵਾ ਲਇਓ ਯਾਰ। ਫੁੱਫਰ ਦੀ ਰਿਟਾਇਰਮੈਂਟ ਬਾਰੇ ਸੁਣ ਕੇ…….. ਇਸ ਕਵਿਤਾ ਰਾਹੀ ਅਭਿਆਸ ਨਹੀਂ ਕਰਦਾ ਕਿਸੇ ਦੇ ਦਿਲ ਤੇ ਵਾਰ, ਉਸਦਾ ਮਕਸਦ ਸਿਰਫ ਦਰਸਾਉਂਦਾ ਭੂਆ ਦਾ ਫੁੱਫਰ ਲਈ ਪਿਆਰ। ਗਿਲੇ ਸ਼ਿਕਵ...

ਨੰਨ੍ਹੀ ਧੀ

ਆਈ ਉਹ ਅਨਮੋਲ ਘੜੀ, ਨੰਨ੍ਹੀ ਧੀ ਮੇਰੇ ਘਰੇ ਜਦ ਆਈ, ਹਰ ਪਾਸੇ ਜੋ ਖੁਸ਼ੀ ਅਤੇ ਨਵੀਂ ਉਮੰਗ ਲੈਕੇ ਆਈ, ਦੇਖਦੇ ਹੀ ਉਸਦੀ ਮੁਸਕਰਾਹਟ, ਮੇਰੀ ਅੱਖ ਭਰ ਆਈ, ਆਈ ਉਹ ਅਨਮੋਲ ਘੜੀ............ ਪਿਤਾ ਹੋਣ ਦਾ ਸਕੂਨ ਭਰਿਆ ਅਹਿਸਾਸ ਉਸਨੇ ਦਿੱਤਾ ਦਵਾਈ, ਕਿਉਂ ਸ਼ੁਕਰ ਨਾ ਕਰਾਂ ਉਸ ਰੱਬ ਦਾ, ਜਿਸਨੇ ਵੇਹੜੇ ਸਾਡੇ ਦੀ ਰੌਣਕ ਵਧਾਈ, ਵਾਰ- ਵਾਰ ਕਰਦਾ ਸੀ ਦੀਦਾਰ ਉਸਦਾ, ਮਾਸੂਮੀਅਤ ਉਸਦੀ ਨੇ ਫੁੱਲ ਵਾਂਗ ਖਿੱਚ ਬਣਾਈ, ਆਈ ਉਹ ਅਨਮੋਲ ਘੜੀ........... ਸਮਾਂ ਗਿਆ ਬੀਤਦਾ, ਧੀ ਦੀ ਉਮਰ ਦੀ ਹੁੰਦੀ ਗਈ ਚੜਾਈ, ਸ਼ਰਾਰਤਾਂ ਦੇਖਦੇ ਉਸਦੀਆਂ, ਮੈਨੂੰ ਵੀ ਉਸਨੇ ਬਚਪਨ ਦਿੱਤਾ ਯਾਦ ਕਰਾਈ, ਕਿੰਨਾਂ ਖੂਬਸੂਰਤ ਸੀ ਉਹ ਸਮਾਂ, ਜਿਸਦੀ ਸਾਨੂੰ ਵੀ ਉਸ ਵੇਲੇ ਕਦਰ ਨਹੀਂ ਆਈ, ਆਈ ਉਹ ਅਨਮੋਲ ਘੜੀ............ ਲਿੱਖਦੇ-ਲਿੱਖਦੇ  ਇੱਕ ਗੰਭੀਰ ਗੱਲ ਯਾਦ ਆਈ, ਜਿਸ ਵਿਚ ਕਵੀ ਕਰਦਾ ਸਮਾਜ਼ ਦੀ ਰੱਜ ਕੇ ਬੁਰਾਈ, ਧੀ ਪ੍ਰਤੀ ਸਮਾਜ਼ ਦੇ ਰੁਖ਼ ਦੇਖਦੇ ਹੀ, ਉਸਦੀ ਹਮੇਸ਼ਾਂ ਦੀ ਤਰ੍ਹਾਂ ਛੋਟੀ ਸੋਚ ਨਜ਼ਰ ਆਈ, ਪੁੱਤਰ ਲੱਗਦੇ ਮਿੱਠੜੇ ਮੇਵੇ, ਸਮਾਂ ਹੈਗਾ ਗਵਾਹ, ਮਿਸ਼ਰੀ ਦੀ ਡਲੀ (ਧੀ) ਹਮੇਸ਼ਾਂ ਕੰਮ ਬੁਢਾਪੇ ਵਿੱਚ ਆਈ, ਆਈ ਉਹ ਅਨਮੋਲ ਘੜੀ........... ਚਾਰ-ਚੁਫ਼ੇਰੇ ਮਾਰੋ ਝਾਂਤ, ਧੀਆਂ ਆਪਣੀ ਵੱਖਰੀ ਪਹਿਚਾਣ ਦਿੱਤੀ ਬਣਾਈ, ਅਭਿਆਸ ਨੂੰ ਤਾਂ ਮਾਣ ਆਪਣੀ ਧੀ ਤੇ, ਜਿਸਦੇ ਪਿਆਰ ਸਦਕਾ ਹੋ ਰਹੀ ਉਸਦੀ ਰਾਤ-ਦਿਨ ਚੜਾਈ, ਆਈ ਉਹ ਅਨਮੋਲ ਘੜੀ, ਨੰਨ੍ਹੀ ਧੀ ਮੇਰੇ ਘਰੇ ਜਦ ਆਈ।।

ਰੁੱਖ

ਛੋਟੇ ਜਿਹੇ ਬੀਜ਼ ਤੋਂ ਹੋਈ ਇਨ੍ਹਾਂ ਦੀ ਜ਼ਿੰਦਗੀ ਦੀ ਸ਼ੁਰੂਆਤ, ਰੁੱਖ ਹਨ ਕੁਦਰਤ ਦੀ ਅਨਮੋਲ ਦਾਤ, ਮਨੁੱਖ ਜਾਤੀ ਉਪਰ ਇਨ੍ਹਾਂ ਦੇ ਕਈ ਉਪਕਾਰ, ਕਵੀ ਕਰਦਾ ਆਪਣੀਆਂ ਧੀਆਂ ਵਾਂਗ ਪਿਆਰ। ਛੋਟੇ ਜਿਹੇ ਬੀਜ਼ ਤੋਂ ਹੋਈ ......... ਧਰਤੀ ਤੇ ਜੰਗਲਾਂ ਦੇ ਰੂਪ ਵਿੱਚ ਇਨ੍ਹਾਂ ਦੀ ਭਰਮਾਰ, ਇਹ ਹਨ ਕਈ ਪਸ਼ੂ-ਪੰਛੀਆਂ ਦੇ ਘਰ-ਵਾਰ, ਵਾਤਵਰਣ ਨੂੰ ਸੰਭਾਲਣ ਵਿਚ ਬਹੁਤ ਅਸਰਦਾਰ। ਛੋਟੇ ਜਿਹੇ ਬੀਜ਼ ਤੋਂ ਹੋਈ .......... ਰੁੱਖ ਹੁੰਦੇ ਆਕਸੀਜ਼ਨ ਦੇ ਭੰਡਾਰ, ਪਰ ਅੱਜ ਹੋ ਰਿਹਾ ਡਿਵੈਲਪਮੈਂਟ ਦੇ ਨਾਮ ਤੇ ਅਤਿਆਚਾਰ, ਵੱਧਦੀ ਆਬਾਦੀ ਨੇ ਵੀ ਕੀਤਾ ਇਨ੍ਹਾਂ ਦਾ ਜੀਣਾ ਮੁਹਾਲ, ਇਨ੍ਹਾਂ ਨੂੰ ਬਚਾਉਣ ਲਈ ਅੱਜ ਹੀ ਕਰਨਾ ਪਵੇਗਾ ਵਿਚਾਰ। ਛੋਟੇ ਜਿਹੇ ਬੀਜ਼ ਤੋਂ ਹੋਈ .......... ਅਭਿਆਸ ਨੂੰ ਖਾਈ ਜਾਵੇ ਇਕ ਬਾਤ, ਕਲਾਈਮੇਟ ਚੇਂਜ ਲਈ ਅਸੀਂ ਸਾਰੇ ਜਿੰਮੇਵਾਰ, ਮਿਲ ਕੇ ਕਰੀਏ ਇਕ ਅਜਿਹਾ ਐਕਸ਼ਨ ਪਲਾਨ ਤਿਆਰ, ਨਹੀਂ ਤਾਂ ਆਪਣੀਆਂ ਆਉਂਦੀਆਂ ਨਸਲਾਂ ਨੂੰ ਕਿ ਦਵਾਂਗੇ ਜਵਾਬ, ਛੋਟੇ ਜਿਹੇ ਬੀਜ਼ ਤੋਂ ਹੋਈ ਇਨ੍ਹਾਂ ਦੀ ਜ਼ਿੰਦਗੀ ਦੀ ਸ਼ੁਰੂਆਤ, ਰੁੱਖ ਹਨ ਕੁਦਰਤ ਦੀ ਅਨਮੋਲ ਦਾਤ।।

ਬਰਸਾਤ

ਦੇਖੋ ਦੇਖੋ ਪੌਣਾ ਆਇਆਂ, ਰਿਮਜਿਮ - ਰਿਮਜੀਮ ਬਰਸਾਤ ਲਾਈਆਂ। ਚਾਰੇ ਪਾਸੇ ਖੁਸ਼ੀਆਂ ਛਾਈਆਂ, ਮੋਰਾਂ ਨੇ ਵੀ ਪੈਲਾਂ ਪਾਈਆਂ। ਦੇਖੋ ਦੇਖੋ ਪੌਣਾ ਆਇਆਂ............. ਫ਼ਸਲਾਂ, ਰੁੱਖਾਂ ਦੀ ਪਿਆਸ ਬੁਝਾਈ, ਹਰ ਪਾਸੇ ਹਰਿਆਲੀ ਛਾਈ। ਟਿਪ - ਟਿਪ ਕਰਦਾ ਮੀਂਹ ਵਰਦਾ, ਟੋਬਿਆਂ - ਨਾਲਿਆਂ ਨੂੰ ਜਾਵੇ ਭਰਦਾ। ਦੇਖੋ ਦੇਖੋ ਪੌਣਾ ਆਇਆਂ............. ਮਨੁੱਖ ਪੰਜ ਤੱਤ ਦੀ ਨਿਸ਼ਾਨੀ, ਬਿੰਨ ਪਾਣੀ ਇਸਦਾ ਜੀਵਨ ਸੰਭਵ ਹੈਨੀ। ਇਸ ਕੁਦਰਤੀ ਤੋਹਫ਼ੇ ਨੂੰ ਕਬੂਲ ਕਰੋ, ਇਸਦੀ ਕਦੇ ਵੀ ਬਰਬਾਦੀ ਨਾ ਕਰੋ। ਦੇਖੋ ਦੇਖੋ ਪੌਣਾ ਆਇਆਂ............. ਬਰਸਾਤ ਪ੍ਰਤੀ ਮਨ ਵਿੱਚ ਇਕ ਚਿੰਤਾ ਛਾਈ, ਗਲੋਬਲ ਵਰਮਿੰਗ ਨੇ ਮੌਸਮ ਵਿੱਚ ਤਬਦੀਲੀ ਲਿਆਈ। ਦਿਨੋਂ-ਦਿਨ ਹੋ ਰਿਹਾ ਵਾਤਾਵਰਨ ਵਿਚ ਪਰਿਵਰਤਨ, ਸੋਕੇ ਤੇ ਸੈਲਾਬ ਬਾਰੇ ਕਰਨਾ ਪਵੇਗਾ ਚਿੰਤਨ। ਦੇਖੋ ਦੇਖੋ ਪੌਣਾ ਆਇਆਂ............. ਅਭਿਆਸ ਜਾਣਦਾ ਚਿੰਤਾ ਦਾ ਹੱਲ, ਰੁੱਖ ਲਗਾ ਕੇ ਹੀ ਮਿਲੇਗਾ ਇਸਦਾ ਫ਼ਲ। ਸਮੇਂ ਨਾਲ ਸਾਨੂੰ ਬਦਲਣਾ ਪਵੇਗਾ, ਕੁਦਰਤ ਨਾਲ ਮਿਲਕੇ ਚਲਣਾ ਪਵੇਗਾ। ਦੇਖੋ ਦੇਖੋ ਪੌਣਾ ਆਇਆਂ, ਰਿਮਜਿਮ - ਰਿਮਜੀਮ ਬਰਸਾਤ ਲਾਈਆਂ।

ਆਲ੍ਹਣਾ

 ਕੱਚੀ ਫਿਰਨੀ ਤੇ ਮੈਂ ਤੁਰਿਆ ਜਾਵਾਂ,  ਕੁਦਰਤ ਨੂੰ ਦੇਖ ਅਨੰਦ ਮਨਾਵਾਂ। ਲੰਘਦੇ ਦੀ ਨਜ਼ਰ ਇੱਕ ਰੁੱਖ ਤੇ ਗਈ, ਜਿਸ ਉੱਪਰ ਬਣੇ ਆਲ੍ਹਣੇ ਨੇ ਮੇਰੀ ਰੂਹ ਖਿੱਚ ਲਈ। ਸਿਖਰ ਦੁਪਹਿਰ ਦਾ ਵਕਤ ਸੀ ਨੇੜੇ ਆਇਆ, ਆਲ੍ਹਣੇ ਨੂੰ ਦੇਖ, ਉਸੇ ਰੁੱਖ ਥੱਲੇ ਆਰਾਮ ਦਾ ਮਨ ਬਣਾਇਆ। ਉਸਦੀ ਬਣਾਵਟ ਦੇਖ ਦਿਲ ਵਿੱਚ ਖੁਸ਼ੀ ਛਾਈ, ਲਾਜਵਾਬ ਕਾਰੀਗਰੀ ਨੇ ਉਸ ਪੰਛੀ ਦੇ ਦੀਦਾਰ ਦੀ ਉਮੰਗ ਜਗਾਈ। ਲੰਘਦੇ ਦੀ ਨਜ਼ਰ.............. ਆਰਾਮ ਕਰਦੇ ਚਿੱਤ ਨੂੰ ਨਾ ਮਿਲੇ ਟਕਾਈ, ਉਸ ਪੰਛੀ ਨੂੰ ਦੇਖਣ ਦੀ ਅਲੱਗ ਹੀ ਬੇਸਬਰੀ ਛਾਈ। ਇੰਤਜਾਰ ਕਰਦੇ ਨੂੰ ਸ਼ਾਮਾ ਪੈ ਗਈਆਂ, ਇਕ ਵਾਰ ਪੰਛੀ ਦੇਖ ਲਵਾਂ, ਦਿਲ ਦੇਵੇ ਵਾਰ ਵਾਰ ਦੁਹਾਈ। ਲੰਘਦੇ ਦੀ ਨਜ਼ਰ............... ਥੋੜੇ ਸਮੇਂ ਬਾਅਦ ਉਹ ਪੰਛੀ ਨਜ਼ਰ ਆਇਆ, ਜਿਸਨੂੰ ਆਲ੍ਹਣੇ ਵਾਂਗ ਰੱਬ ਨੇ ਖੂਬਸੂਰਤ ਬਣਾਇਆ। ਆਪਣੇ ਮੁੱਖ ਵਿੱਚ ਉਹ ਦਾਣਾ ਵੀ ਨਾਲ ਲਿਆਇਆ। ਲੰਘਦੇ ਦੀ ਨਜ਼ਰ............... ਦੇਖਦੇ ਹੀ ਆਲ੍ਹਣੇ ਵਿੱਚੋ ਇੱਕ ਆਵਾਜ਼ ਬਾਹਰ ਆਈ, ਆਪਣੇ ਬੱਚਿਆਂ ਪ੍ਰਤੀ ਉਸਦੀ ਮਮਤਾ ਦੇਖ ਅੱਖ ਭਰ ਆਈ। ਇਕ ਦੂਸਰੇ ਨੂੰ ਇਨਸਾਨਾਂ ਨਾਲੋ ਵਧਕੇ ਕਰਨ ਪਿਆਰ, ਇਹ ਦ੍ਰਿਸ਼ ਦੇਣ ਵਾਰ ਵਾਰ ਪਿਆਰ ਭਰੀ ਗਵਾਹੀ। ਲੰਘਦੇ ਦੀ ਨਜ਼ਰ............... ਅਭਿਆਸ ਨੇ ਉਸੇ ਵੇਲੇ ਆਪਣੀ ਕਲਮ ਉਠਾਈ, ਆਲ੍ਹਣੇ ਬਾਰੇ ਸਬ ਨੂੰ ਕਵਿਤਾ ਰਾਹੀਂ ਝਾਂਤ ਮਰਾਈ। ਵਸਦੇ ਰਹਿਣ ਮੇਰੇ ਪਿਆਰੇ ਪੰਛੀ, ਜਿਨ੍ਹਾਂ ਨੇ ਆਲ੍ਹਣਿਆਂ ਨਾਲ ਚਾਰੇ ਪਾਸੇ ਖੂਬਸੂਰਤੀ ਵਧਾਈ। ਲੰਘਦੇ ...

ਹੜ੍ਹ

ਇਨਸਾਨ ਕਰਦਾ ਕੁਦਰਤ ਨਾਲ ਛੇੜਛਾੜ, ਹੜ੍ਹ ਦੇ ਰੂਪ ਵਿਚ ਦਿੱਤੀ ਛੋਟੀ ਦਸਤਕ ਇਸ ਵਾਰ, ਕਿ ਉੱਤਰ, ਕਿ ਪੱਛਮ, ਹਰ ਪਾਸੇ ਮਚੀ ਹਾਹਾਕਾਰ, ਸੰਭਲਣ ਦੀ ਲੋੜ, ਗੰਭੀਰ ਨਤੀਜੇ ਖੜ੍ਹੇ ਮੂਹਰੇ ਦਰਬਾਰ। ਇਨਸਾਨ ਕਰਦਾ ਕੁਦਰਤ............ ਫਟਦੇ ਬੱਦਲ, ਡਿੱਗਦੇ ਪਹਾੜ, ਇਨਸਾਨ ਹੋਇਆ ਲਾਚਾਰ, ਸ਼ੀਸ਼ੇ ਵਾਂਗ ਤਿੜਕਦੇ ਮਕਾਨ, ਕਾਗ਼ਜ਼ ਦੀ ਕਿਸ਼ਤੀ ਵਾਂਗ ਵਹਿੰਦੇ ਮੋਟਰ-ਕਾਰ, ਸਬ ਨੂੰ ਕੀਤਾ ਇਸਨੇ ਹੈਰਾਨ, ਦੇਖ ਕੁਦਰਤ ਦਾ ਕਹਿਰ, ਬੋਨਾ ਦਿਖਿਆ ਇਨਸਾਨ। ਇਨਸਾਨ ਕਰਦਾ ਕੁਦਰਤ........... ਕਹੇ ਗੁਰਬਾਣੀ, ਮਨੁੱਖ ਸਬ ਤੋਂ ਉੱਤਮ ਪ੍ਰਾਣੀ, ਭੁੱਲੀ ਬੈਠਾ ਆਪਣੀ ਔਕਾਤ, ਲੋਭ, ਮੋਹ ਵਿੱਚ ਫਸਿਆ, ਰੱਬ ਤੋਂ ਨਾ ਡਰੇ ਇਕ ਵਾਰ, ਕਿ ਧਾਰਮਿਕ ਸਥਾਨ, ਕਿ ਪੁੰਨ-ਦਾਨ, ਹਰ ਚੀਜ਼ ਵਿਚ ਭਾਲੇ ਕਮਾਈ ਦੀ ਦੁਕਾਨ। ਇਨਸਾਨ ਕਰਦਾ ਕੁਦਰਤ........... ਸਿਆਣੇ ਆਖਣ, ਕੁਦਰਤ ਅੱਗੇ ਨਾ ਕਿਸੇ ਦਾ ਜ਼ੋਰ,  ਚੱਲੋ ਮਿਲਕੇ ਇਸ ਨਾਲ ਇਕ ਵਾਰ, ਬਖਸ਼ੇ ਜਾਂਦੇ ਕੀਤੇ ਅਨਜਾਣੇ ਗੁਨਾਹ, ਜੇ ਦਿਲੋ ਕੀਤੀ ਜਾਵੇ ਪੁਕਾਰ, ਅਭਿਆਸ ਵੀ ਸਬ ਲਈ ਕਰੇ ਅਰਦਾਸ, ਇਹ ਸਾਡਾ ਸਬ ਦਾ ਸਾਂਝਾ ਸੰਸਾਰ, ਆਓ ਮਿਲਕੇ ਆਪਣਾ ਫ਼ਰਜ਼ ਨਿਵਾਈਏ, ਕੁਦਰਤ ਨਾਲ ਮਿਲਕੇ ਰਹਿਣਾ ਸ਼ੁਰੂ ਕਰੀਏ, ਹੁਣ ਤੋਂ ਹੀ ਮੇਰੇ ਯਾਰ, ਇਨਸਾਨ ਕਰਦਾ ਕੁਦਰਤ ਨਾਲ ਛੇੜਛਾੜ, ਹੜ੍ਹ ਦੇ ਰੂਪ ਵਿਚ ਦਿੱਤੀ ਛੋਟੀ ਦਸਤਕ ਇਸ ਵਾਰ।।

ਵਾਤਾਵਰਣ ਨੂੰ ਬਚਾਉਣ ਦੀ ਗੱਲ

ਅੱਤ ਦੀ ਗਰਮੀ ਦੇਖ ਘਬਰਾਏ ਲੋਕ ਸਾਰੇ, ਰੁੱਖ ਲਗਾਉਣ ਦਾ ਵਿਚਾਰ ਕਿਸੇ ਦੇ ਮਨ ਨੂੰ ਨਾ ਭਾਵੇ, ਵਾਤਾਵਰਣ ਨੂੰ ਬਚਾਉਣ ਦੀ ਗੱਲ ਕਰਨ ਸਾਰੇ, ਪਰ ਸਮਝੇ ਨਾ ਕੋਈ ਆਪਣੀ ਜ਼ਿੰਮੇਵਾਰੀ ਇਸ ਬਾਰੇ। ਤਾਪਮਾਨ ਦਿਨੋਂ ਦਿਨ ਚੜ੍ਹਦਾ ਜਾਵੇ, ਕਿਸੇ ਨੂੰ ਵਾਤਾਵਰਣ ਸੰਭਾਲਣਾ ਨਾ ਆਵੇਂ, ਭੋਲੇ ਪੰਛੀ, ਬੇਜੁਬਾਨ ਜਾਨਵਰ ਕਿੱਥੇ ਜਾਣ ਵਿਚਾਰੇ, ਸੁੱਕਦੇ ਜਾਂਦੇ ਟੋਬੇ, ਨਦੀਆਂ ਤੇ ਨਾਲੇ, ਕੁਦਰਤ ਨਾਲ ਛੇੜ ਛਾੜ ਦਾ ਨਤੀਜ਼ਾ ਮਹਿੰਗਾ ਪਵੇਗਾ ਪਿਆਰੇ, ਵਾਤਾਵਰਣ ਨੂੰ ਬਚਾਉਣ ਦੀ ਗੱਲ ਕਰਨ ਸਾਰੇ, ਪਰ ਸਮਝੇ ਨਾ ਕੋਈ ਆਪਣੀ ਜ਼ਿੰਮੇਵਾਰੀ ਇਸ ਬਾਰੇ। ਧਰਤੀ ਹੇਠਲੇ ਪਾਣੀ ਦੀ ਦੁਰਵਰਤੋ ਰੋਕੋ ਸਾਰੇ, ਅਗਲੀ ਪੀੜ੍ਹੀ ਦਾ ਖਿਆਲ ਵੀ ਇਕ ਵਾਰ ਕਰੋ ਪਿਆਰੇ, ਵਾਤਾਵਰਣ ਨੂੰ ਬਚਾਉਣ ਦੀ ਗੱਲ ਕਰਨ ਸਾਰੇ, ਪਰ ਸਮਝੇ ਨਾ ਕੋਈ ਆਪਣੀ ਜ਼ਿੰਮੇਵਾਰੀ ਇਸ ਬਾਰੇ। ਬੱਚੇ ਰੱਬ ਦਾ ਰੂਪ, ਇਹ ਤਾਂ ਜਾਣਦੇ ਸਾਰੇ, ਇਹਨਾਂ ਤੋਂ ਕਰੋ ਸ਼ੁਰੂਆਤ, ਇਹ ਮਿਲਾਉਣਗੇ ਹੱਥ ਸਾਰੇ, ਸਮਾਂ ਜਾਂਦਾ ਬੀਤਦਾ , ਉੱਠੋ, ਕਰਨੀ ਕਰਕੇ ਦਿਖਾਓ ਪਿਆਰੇ, ਵਾਤਾਵਰਣ ਨੂੰ ਬਚਾਉਣ ਦੀ ਗੱਲ ਕਰਨ ਸਾਰੇ, ਪਰ ਸਮਝੇ ਨਾ ਕੋਈ ਆਪਣੀ ਜ਼ਿੰਮੇਵਾਰੀ ਇਸ ਬਾਰੇ। ਉਹ ਦਿਨ ਨਹੀਂ ਦੂਰ, ਭਿਆਨਕ ਨਤੀਜੇ ਪੈਣੇ ਭੁਗਤਣੇ ਪਿਆਰੇ, ਆਓ ਲਗਾਈਏ ਰੁੱਖ, ਦੇਣਗੇ ਕਈ ਸੁੱਖ, ਯਾਦ ਰੱਖੋ ਸਾਰੇ, ਅਭਿਆਸ ਵੀ ਹੈ ਤਿਆਰ, ਕੋਸ਼ਿਸ਼ ਕਰਾਂਗੇ ਮਿਲਕੇ , ਮਿਸਾਲ ਦੇਣਗੇ ਸਾਰੇ,  ਵਾਤਾਵਰਣ ਨੂੰ ਬਚਾਉਣ ਦੀ ਗੱਲ ਕਰਨ ਸਾਰੇ, ਪਰ ਸਮਝੇ ਨਾ ਕੋਈ ਆਪਣੀ ਜ਼ਿੰਮੇਵਾਰੀ ਇਸ ਬ...