ਪਰਵਾਸ ਦੀ ਬਹਾਰ

ਰੁੱਤ ਸਰਦ ਦੀ ਆਈ, ਪਰਵਾਸ ਦੀ ਬਹਾਰ ਲਿਆਈ,
ਹਰ ਪਾਸਿਓ ਸੀਤ ਲਹਿਰ ਆਈ, ਅਸਮਾਨ ਵਿੱਚ ਪੰਛੀਆਂ ਦੀ ਕਤਾਰਾਂ ਦਿੱਤੀਆਂ ਦਿਖਾਈ,
ਰੁੱਤ ਸਰਦ ਦੀ ਆਈ, ਪਰਵਾਸ ਦੀ ਬਹਾਰ ਲਿਆਈ।।


ਵਿਦੇਸ਼ਾਂ ਵਿੱਚ ਠੰਡ ਨੇ ਬਰਫ਼ ਜਮਾਈ,  ਪੰਛੀਆਂ ਨੂੰ ਰਹਿਣ ਲਈ ਜਗ੍ਹਾ ਨਜ਼ਰ ਨਾ ਆਈ,
ਫ਼ਿਰ ਭਾਰਤ ਦੇਸ਼ ਦੀ ਯਾਦ ਆਈ, ਜਿਸਦੇ ਉੱਤਰੀ ਹਿੱਸੇ ਦੀ ਸਰਦੀ ਬਹੁਤ ਰਾਸ ਆਈ,
ਰੁੱਤ ਸਰਦ ਦੀ ਆਈ.............


ਪੰਛੀਆਂ ਨੇ ਚਾਰ- ਚੁਫੇਰੇ ਰੌਣਕਾਂ ਲਗਾਈ, ਟੋਬਿਆਂ ਤੇ ਜਲਗਾਹਾਂ ਦੀ ਖੂਬਸੂਰਤੀ ਵਧਾਈ,
ਅਨੇਕ ਰੰਗਾਂ ਨਾਲ ਆਪਣੀ ਪਹਿਚਾਣ ਦਰਸਾਈ, ਕਿਹੜਾ ਪਰਵਾਸੀ ਤੇ ਕਿਹੜਾ ਨਿਵਾਸੀ, ਦੂਰੋਂ ਨਜ਼ਰ ਆਈ,
ਰੁੱਤ ਸਰਦ ਦੀ ਆਈ..............

ਪਰਵਾਸ ਦੌਰਾਨ ਦੁਨੀਆਂ ਇਹਨਾਂ ਨੂੰ ਦੇਖਣ ਦੂਰੋਂ-ਦੁਰੋ ਹੈ ਆਈ, ਸਬ ਤੋਂ ਸੋਹਣੇ ਨੇ ਆਪਣੀ ਫੋਟੋ ਵੀ ਕੈਮਰੇ ਵਿੱਚ ਕੈਦ ਕਰਾਈ
ਰੁੱਤ ਸਰਦ ਦੀ ਆਈ..............


ਪਰਵਾਸ ਦੀ ਬਹਾਰ ਤਾਂ ਹਰ ਸਾਲ ਆਈ, ਇਸ ਦੌਰਾਨ ਕਈਆਂ ਨੇ ਆਉਂਦੇ - ਜਾਉਂਦੇ ਆਪਣਿਆਂ ਦੀ ਜਾਨ ਗਵਾਈ,
ਪਰਵਾਸ ਕਟਣੇ ਸੌਖੇ ਨਹੀਂ ਭਾਈ, ਤਾਂ ਹੀ ਤਾਂ ਅਭਿਆਸ ਨੇ ਕਲਮ ਚਲਾਈ,
ਓਹ ਰੱਬਾ! ਇਹ ਬੇਜੁਬਾਨ ਕਿਸੇ ਨੂੰ ਕਿ ਦਸਣ, ਇਹਨਾਂ ਦੀ ਸਮਝ ਕਿਸੇ ਨੂੰ ਨਾ ਆਈ,
ਰੁੱਤ ਸਰਦ ਦੀ ਆਈ, ਪਰਵਾਸ ਦੀ ਬਹਾਰ ਲਿਆਈ।।

Comments

Post a Comment

Popular posts from this blog

ਹੜ੍ਹ

ਇਨਸਾਨ ਕਰਦਾ ਕੁਦਰਤ ਨਾਲ ਛੇੜਛਾੜ, ਹੜ੍ਹ ਦੇ ਰੂਪ ਵਿਚ ਦਿੱਤੀ ਛੋਟੀ ਦਸਤਕ ਇਸ ਵਾਰ, ਕਿ ਉੱਤਰ, ਕਿ ਪੱਛਮ, ਹਰ ਪਾਸੇ ਮਚੀ ਹਾਹਾਕਾਰ, ਸੰਭਲਣ ਦੀ ਲੋੜ, ਗੰਭੀਰ ਨਤੀਜੇ ਖੜ੍ਹੇ ਮੂਹਰੇ ਦਰਬਾਰ। ਇਨਸਾਨ ਕਰਦਾ ਕੁਦਰਤ............ ਫਟਦੇ ਬੱਦਲ, ਡਿੱਗਦੇ ਪਹਾੜ, ਇਨਸਾਨ ਹੋਇਆ ਲਾਚਾਰ, ਸ਼ੀਸ਼ੇ ਵਾਂਗ ਤਿੜਕਦੇ ਮਕਾਨ, ਕਾਗ਼ਜ਼ ਦੀ ਕਿਸ਼ਤੀ ਵਾਂਗ ਵਹਿੰਦੇ ਮੋਟਰ-ਕਾਰ, ਸਬ ਨੂੰ ਕੀਤਾ ਇਸਨੇ ਹੈਰਾਨ, ਦੇਖ ਕੁਦਰਤ ਦਾ ਕਹਿਰ, ਬੋਨਾ ਦਿਖਿਆ ਇਨਸਾਨ। ਇਨਸਾਨ ਕਰਦਾ ਕੁਦਰਤ........... ਕਹੇ ਗੁਰਬਾਣੀ, ਮਨੁੱਖ ਸਬ ਤੋਂ ਉੱਤਮ ਪ੍ਰਾਣੀ, ਭੁੱਲੀ ਬੈਠਾ ਆਪਣੀ ਔਕਾਤ, ਲੋਭ, ਮੋਹ ਵਿੱਚ ਫਸਿਆ, ਰੱਬ ਤੋਂ ਨਾ ਡਰੇ ਇਕ ਵਾਰ, ਕਿ ਧਾਰਮਿਕ ਸਥਾਨ, ਕਿ ਪੁੰਨ-ਦਾਨ, ਹਰ ਚੀਜ਼ ਵਿਚ ਭਾਲੇ ਕਮਾਈ ਦੀ ਦੁਕਾਨ। ਇਨਸਾਨ ਕਰਦਾ ਕੁਦਰਤ........... ਸਿਆਣੇ ਆਖਣ, ਕੁਦਰਤ ਅੱਗੇ ਨਾ ਕਿਸੇ ਦਾ ਜ਼ੋਰ,  ਚੱਲੋ ਮਿਲਕੇ ਇਸ ਨਾਲ ਇਕ ਵਾਰ, ਬਖਸ਼ੇ ਜਾਂਦੇ ਕੀਤੇ ਅਨਜਾਣੇ ਗੁਨਾਹ, ਜੇ ਦਿਲੋ ਕੀਤੀ ਜਾਵੇ ਪੁਕਾਰ, ਅਭਿਆਸ ਵੀ ਸਬ ਲਈ ਕਰੇ ਅਰਦਾਸ, ਇਹ ਸਾਡਾ ਸਬ ਦਾ ਸਾਂਝਾ ਸੰਸਾਰ, ਆਓ ਮਿਲਕੇ ਆਪਣਾ ਫ਼ਰਜ਼ ਨਿਵਾਈਏ, ਕੁਦਰਤ ਨਾਲ ਮਿਲਕੇ ਰਹਿਣਾ ਸ਼ੁਰੂ ਕਰੀਏ, ਹੁਣ ਤੋਂ ਹੀ ਮੇਰੇ ਯਾਰ, ਇਨਸਾਨ ਕਰਦਾ ਕੁਦਰਤ ਨਾਲ ਛੇੜਛਾੜ, ਹੜ੍ਹ ਦੇ ਰੂਪ ਵਿਚ ਦਿੱਤੀ ਛੋਟੀ ਦਸਤਕ ਇਸ ਵਾਰ।।
Read more

ਰੁੱਖ

ਛੋਟੇ ਜਿਹੇ ਬੀਜ਼ ਤੋਂ ਹੋਈ ਇਨ੍ਹਾਂ ਦੀ ਜ਼ਿੰਦਗੀ ਦੀ ਸ਼ੁਰੂਆਤ, ਰੁੱਖ ਹਨ ਕੁਦਰਤ ਦੀ ਅਨਮੋਲ ਦਾਤ, ਮਨੁੱਖ ਜਾਤੀ ਉਪਰ ਇਨ੍ਹਾਂ ਦੇ ਕਈ ਉਪਕਾਰ, ਕਵੀ ਕਰਦਾ ਆਪਣੀਆਂ ਧੀਆਂ ਵਾਂਗ ਪਿਆਰ। ਛੋਟੇ ਜਿਹੇ ਬੀਜ਼ ਤੋਂ ਹੋਈ ......... ਧਰਤੀ ਤੇ ਜੰਗਲਾਂ ਦੇ ਰੂਪ ਵਿੱਚ ਇਨ੍ਹਾਂ ਦੀ ਭਰਮਾਰ, ਇਹ ਹਨ ਕਈ ਪਸ਼ੂ-ਪੰਛੀਆਂ ਦੇ ਘਰ-ਵਾਰ, ਵਾਤਵਰਣ ਨੂੰ ਸੰਭਾਲਣ ਵਿਚ ਬਹੁਤ ਅਸਰਦਾਰ। ਛੋਟੇ ਜਿਹੇ ਬੀਜ਼ ਤੋਂ ਹੋਈ .......... ਰੁੱਖ ਹੁੰਦੇ ਆਕਸੀਜ਼ਨ ਦੇ ਭੰਡਾਰ, ਪਰ ਅੱਜ ਹੋ ਰਿਹਾ ਡਿਵੈਲਪਮੈਂਟ ਦੇ ਨਾਮ ਤੇ ਅਤਿਆਚਾਰ, ਵੱਧਦੀ ਆਬਾਦੀ ਨੇ ਵੀ ਕੀਤਾ ਇਨ੍ਹਾਂ ਦਾ ਜੀਣਾ ਮੁਹਾਲ, ਇਨ੍ਹਾਂ ਨੂੰ ਬਚਾਉਣ ਲਈ ਅੱਜ ਹੀ ਕਰਨਾ ਪਵੇਗਾ ਵਿਚਾਰ। ਛੋਟੇ ਜਿਹੇ ਬੀਜ਼ ਤੋਂ ਹੋਈ .......... ਅਭਿਆਸ ਨੂੰ ਖਾਈ ਜਾਵੇ ਇਕ ਬਾਤ, ਕਲਾਈਮੇਟ ਚੇਂਜ ਲਈ ਅਸੀਂ ਸਾਰੇ ਜਿੰਮੇਵਾਰ, ਮਿਲ ਕੇ ਕਰੀਏ ਇਕ ਅਜਿਹਾ ਐਕਸ਼ਨ ਪਲਾਨ ਤਿਆਰ, ਨਹੀਂ ਤਾਂ ਆਪਣੀਆਂ ਆਉਂਦੀਆਂ ਨਸਲਾਂ ਨੂੰ ਕਿ ਦਵਾਂਗੇ ਜਵਾਬ, ਛੋਟੇ ਜਿਹੇ ਬੀਜ਼ ਤੋਂ ਹੋਈ ਇਨ੍ਹਾਂ ਦੀ ਜ਼ਿੰਦਗੀ ਦੀ ਸ਼ੁਰੂਆਤ, ਰੁੱਖ ਹਨ ਕੁਦਰਤ ਦੀ ਅਨਮੋਲ ਦਾਤ।।
Read more

ਆਲ੍ਹਣਾ

 ਕੱਚੀ ਫਿਰਨੀ ਤੇ ਮੈਂ ਤੁਰਿਆ ਜਾਵਾਂ,  ਕੁਦਰਤ ਨੂੰ ਦੇਖ ਅਨੰਦ ਮਨਾਵਾਂ। ਲੰਘਦੇ ਦੀ ਨਜ਼ਰ ਇੱਕ ਰੁੱਖ ਤੇ ਗਈ, ਜਿਸ ਉੱਪਰ ਬਣੇ ਆਲ੍ਹਣੇ ਨੇ ਮੇਰੀ ਰੂਹ ਖਿੱਚ ਲਈ। ਸਿਖਰ ਦੁਪਹਿਰ ਦਾ ਵਕਤ ਸੀ ਨੇੜੇ ਆਇਆ, ਆਲ੍ਹਣੇ ਨੂੰ ਦੇਖ, ਉਸੇ ਰੁੱਖ ਥੱਲੇ ਆਰਾਮ ਦਾ ਮਨ ਬਣਾਇਆ। ਉਸਦੀ ਬਣਾਵਟ ਦੇਖ ਦਿਲ ਵਿੱਚ ਖੁਸ਼ੀ ਛਾਈ, ਲਾਜਵਾਬ ਕਾਰੀਗਰੀ ਨੇ ਉਸ ਪੰਛੀ ਦੇ ਦੀਦਾਰ ਦੀ ਉਮੰਗ ਜਗਾਈ। ਲੰਘਦੇ ਦੀ ਨਜ਼ਰ.............. ਆਰਾਮ ਕਰਦੇ ਚਿੱਤ ਨੂੰ ਨਾ ਮਿਲੇ ਟਕਾਈ, ਉਸ ਪੰਛੀ ਨੂੰ ਦੇਖਣ ਦੀ ਅਲੱਗ ਹੀ ਬੇਸਬਰੀ ਛਾਈ। ਇੰਤਜਾਰ ਕਰਦੇ ਨੂੰ ਸ਼ਾਮਾ ਪੈ ਗਈਆਂ, ਇਕ ਵਾਰ ਪੰਛੀ ਦੇਖ ਲਵਾਂ, ਦਿਲ ਦੇਵੇ ਵਾਰ ਵਾਰ ਦੁਹਾਈ। ਲੰਘਦੇ ਦੀ ਨਜ਼ਰ............... ਥੋੜੇ ਸਮੇਂ ਬਾਅਦ ਉਹ ਪੰਛੀ ਨਜ਼ਰ ਆਇਆ, ਜਿਸਨੂੰ ਆਲ੍ਹਣੇ ਵਾਂਗ ਰੱਬ ਨੇ ਖੂਬਸੂਰਤ ਬਣਾਇਆ। ਆਪਣੇ ਮੁੱਖ ਵਿੱਚ ਉਹ ਦਾਣਾ ਵੀ ਨਾਲ ਲਿਆਇਆ। ਲੰਘਦੇ ਦੀ ਨਜ਼ਰ............... ਦੇਖਦੇ ਹੀ ਆਲ੍ਹਣੇ ਵਿੱਚੋ ਇੱਕ ਆਵਾਜ਼ ਬਾਹਰ ਆਈ, ਆਪਣੇ ਬੱਚਿਆਂ ਪ੍ਰਤੀ ਉਸਦੀ ਮਮਤਾ ਦੇਖ ਅੱਖ ਭਰ ਆਈ। ਇਕ ਦੂਸਰੇ ਨੂੰ ਇਨਸਾਨਾਂ ਨਾਲੋ ਵਧਕੇ ਕਰਨ ਪਿਆਰ, ਇਹ ਦ੍ਰਿਸ਼ ਦੇਣ ਵਾਰ ਵਾਰ ਪਿਆਰ ਭਰੀ ਗਵਾਹੀ। ਲੰਘਦੇ ਦੀ ਨਜ਼ਰ............... ਅਭਿਆਸ ਨੇ ਉਸੇ ਵੇਲੇ ਆਪਣੀ ਕਲਮ ਉਠਾਈ, ਆਲ੍ਹਣੇ ਬਾਰੇ ਸਬ ਨੂੰ ਕਵਿਤਾ ਰਾਹੀਂ ਝਾਂਤ ਮਰਾਈ। ਵਸਦੇ ਰਹਿਣ ਮੇਰੇ ਪਿਆਰੇ ਪੰਛੀ, ਜਿਨ੍ਹਾਂ ਨੇ ਆਲ੍ਹਣਿਆਂ ਨਾਲ ਚਾਰੇ ਪਾਸੇ ਖੂਬਸੂਰਤੀ ਵਧਾਈ। ਲੰਘਦੇ ...
Read more